Shugaban Hukumar Hajj ta Kasa (NAHCON), Professor Abdullahi Saleh Usman, ya tabbatar da cewa Hukumar tana cikin shiri mai inganci domin kammala dukkan shirye-shiryen da suka shafi gudanar da Hajj 2025 cikin lokaci, duk da ƙalubalen da aka fuskanta a baya.

Shugaban Hukumar Hajj ya bayyana hakan ne yayin daya karbi ziyarar girmamawa daga kungiyar ‘Independent Hajj Reporters’ (IHR), wacce take da matuƙar muhimmanci a cikin masana’antar Hajj da Umrah ta Najeriya.

Ziyarar, wanda Alhaji Ibrahim Muhammad, Mai Kwamishinan IHR na Kasa, ya jagoranta, taba da damar tattaunawa mai ma’ana da kuma musayar ra’ayoyi masu amfani wajen inganta ayyukan Hajj a nan gaba.

Shugaban NAHCON, Professor Usman, ya gode wa IHR bisa ci gaba da haɗin kai da kuma yabo da suke ba wa jagorancin Hukumar.

Ya ce, “Ayyukan IHR suna ƙarfafa ɗawainiya da burinmu na ci gaba da inganta ayyukan Hajj, musamman wajen cika bukatun al’ummar masu aikin Hajj daga Najeriya.”

A cikin tattaunawar, IHR ta bayyana sha’awar ganin NAHCON ta ci gaba da amfani da damar da ake da ita don tabbatar da nasarar gudanar da Hajj 2025. Kungiyar ta yabawa da ƙudurin NAHCON na aiki da sauri da ƙarfi duk da kalubalen da ake fuskanta.

Professor Usman ya tabbatar wa tawagar IHR cewa NAHCON tana cikin shirin da zai tabbatar da cewa an gudanar da Hajj 2025 cikin nasara.

Ya ce, “Hukumar tana mai da hankali kan aiwatar da dukkan sharuɗɗan da ma’aikatar Hajj da Umrah ta Saudiyya ta ƙayyade domin Hajj 2025. Muna aiki tuƙuru don tabbatar da cewa an kammala aikin cikin lokaci.”

Shugaban NAHCON ya ƙara da cewa, “Mun fara aiwatar da sabon tsarin aiki mai gaggawa wanda zai taimaka wajen cimma dukkan muhimman lokutan da aka sanya, duk da duk matsalolin da muka fuskanta a baya.”

A karshe, ya tabbatar da cewa NAHCON na ɗaukar IHR a matsayin abokan hulɗa masu mahimmanci a wannan tafiya.

Shugaban NAHCON ya tabbatar da shirin kammala Hajj 2025 cikin lokaci