Gwamnan jihar Jigawa Umar Namadi ya bada umarnin kama shugaban kungiyar manoma ta kasa AFAN na karamar hukumar Kiyawa, Isyaku Katanga.

Biyo bayan wata ziyarar ba zata da gwamnan ya kai cibiyar raba kayan noman alkama a Kiyawa da Birnin Kudu.

Tun da fari manoman ne suka zargi shugaban da yin karin naira 2000 akan farashin da hukuma ta sanya don sayar da kayan aikin noman.

Gwamnan yace wannan korafi kan yadda ake karbar kudi a hannun manoman ne ya sanya shi kawo ziyarar, inda yayi alakwarin wadanda ke da hannun a badakalar dole su amayar da kudin da suka ci domin gwamnatinsa ba zata lamunci hakan ba.

Wasu faifan bidiyo da suka karade shafukan sada zumunta sun nuna yadda gwamnan ya bayyana bacin ransa.

Gwamnan ya kuma yi alkawarin cewa kowane manomin zai sami abinda aka yi masa alkawari ba tare da wata matsala ba.

Gwamnan Jigawa ya umarci a kama shugaban ƙungiyar manoma