Wani mummunan hatsarin mota ya girgiza mutane da dama bayan sanadiyyar mutuwar wasu dalibai guda biyu a jihar Kogi.

Hadarin, ya faru ne a Lokoja, bayan wata motar kaya ta yi karo da babur mai kafa uku a kusa da Felele, da misalin karfe 10 na safe a ranar Juma’a, 13 ga Disamba.

Shaidun gani da ido sun bayyana cewa Daliban biyu sun mutu nan take, yayin da sauran fasinjojin da ke cikin babur din suka samu munanan raunuka.

Daliban da suka rasa ransu a hadarin sune Covenant Omolola Isaac, wata dalibar sashen Geology daga Jami’ar Tarayya ta Lokoja, da kuma Abu Taiwo Abimbola, dalibin sashen Kimiyyar Dakin Gwaje-gwaje daga Kwalejin Kimiyya da Fasaha ta Kogi da ke Lokoja.

An kai gawarwakin su zuwa asibitin kwararru na Lokoja ta hannun jami’an hukumar kiyaye hadurra (FRSC).

Mummunan hadari ya kashe dalibai a jihar Kogi