Kungiyar manyan ma’aikatan mai da iskar gas ta Najeriya PENGASSAN ta tabbatr da cewa matatar man Fatakwal ta koma aiki bayan dan tsaiko da aka samu.

Shugaban kungiyar Festus Osifo ne ta bayanna haka yayin da yake amsa tambayoyin manema labarai a Abuja a ranar Talata, bayan kammala taron majalisar zartaswa ta kasa.

Osifo yace an samu nasarar gyaran ne bayan kyakyakyawan sa ido daga bangaren gwamanati tare da sauran kungiyoyin masu ruwa da tsaki.

Yace yanzu matatar na fitar da man disel da kalanzir da kuma fetur, ya kuma dora alhakin cigaba da tashin farashin mai a kan karyewar darajar Naira.

Osifo ya yi kira ga gwamanti da ta dauki matakan farfado da darajar Naira, ko a samu saukin farashin man a kasa baki daya.

Ya kuma ba da shawara a shigo da kwararru daga ketare domin kula da matatun man kasar nan.

Matatar Fatakwal ta dawo aiki – PENGASSAN