Shugaba Bola Tinubu ya amince da nadin manyan sakatarori guda takwas.

An yi sabbin nade-naden don cike gurbin da ake da su a wasa daga cikin jihohin Najeriya.

Wata sanarwa daga mai taimaka wa shugaban kasa kan harkokin yada labarai, Bayo Onanuga, ta lissafa sunayen sabbin sakatarorin da aka nada kamar haka:

Onwusoro Maduka Ihemelandu (Jihar Abia)

Ndiomu Ebiogeh Philip (Jihar Bayelsa)

Anuma Ogbonnaya Nlia (Jihar Ebonyi)

Ogbodo Chinasa Nnam (Jihar Enugu)

Kalba Danjuma Usman (Jihar Gombe)

Usman Salihu Aminu (Jihar Kebbi)

Oyekunle Patience Nwakuso (Jihar Ribas)

Nadungu Gagare (Jihar Kaduna).

Sanarwar ta bayyana cewa wannan shi ne karo na biyu da shugaban kasa ya nada manyan sakatarori guda takwas, bayan wadanda aka nada a watan Yunin da ya gabata daga jihohin Akwa Ibom, Anambra, Bauchi, Jigawa, Ondo, Zamfara, da kuma daga kudu maso gabas da kudu maso kudu.

Onanuga ya ce ofshin shugaban .a’aikatan gwamnatin tarayya ne ya ba da shawarar nadin sabbin sakatarorin bayan an tantance su.

A cewar sanarwar, Shugaba Tinubu ya bukaci sabbin sakatarorin da su yi himma, jajircewa, da samar da dabaru wajen gudanar da ayyukansu don ci gaban kasa.

Shugaba Tinubu ya amince da nadin manyan sakatarori 8