Wani mummunan hatsari ya yi sanadiyyar mutuwar mutane biyu bayan wata babbar mota ɗauke da shanu a hanyar zuwa kasuwar Gadar-Maiwa, ta kutsa cikin rami a jihar Bauchi.

Hatsarin ya kuma yi sanadiyyar mutuwar shanu da dama tare da jikkata wasu.

Shaidun gani da ido sun bayyana cewa hatsarin ya afku ne bayan da motar ta taka wani rami, wanda ya sa tayar motar ta fashe kafin daga bisani ta dungura.

Duk da hukumar kiyaye afkuwar hadura bata bayyana musabbabin hatsarin ba al’ummar yankin sun zargi irin gudun da motar ke yi a lokacin da lamarin ya faru na daga cikin musabbabin afkuwar mummunan hatsarin.

Mutum biyu sun mutu a hatsarin mota a Bauchi