Majalsar wakilai ta umarci babban bankin kasa (CBN), ya gaggauta kawo karshen matsalar karancin takardun kudi da al’uma ke fama da ita.

Dan majalisa Uguru Emmanuel ne ya gabatar da kudurin neman a tilastawa CBN kawo karshen matsalar duba da yadda yan kasa ke shan wahalar samun takardun kudi.

Yace a watan Disambar shekarar 2022, bankin CBN yace ko wane mutum 1 zai iya samun tsabar kudi N500,000, kamfani kuma zai iya samun har Naira miliyan biyar a kullum.

Sai dai yace bankuna sun yi watsi da waccan umarni, in da a yanzu Naira dubu 10 ma ke wahalar samu daga bankunan.

Majalisar wakilan umarci kwamitin ta mai kula da bankuna da ya kawo karshen matsalar karancin takardun kudi nan da mako guda.