Gwamnatin jihar Kano, da kakkausar murya ta yi watsi da kudirin garambawul ga dokar haraji da ke gaban majalisar dokoki a yanzu haka.

Gwamna Abba Kabir Yusuf, wanda ya maganta ta bakin mataimakinsa Aminu Abdussalam Gwarzo, ya bayyana matsayar gwamnatin ne a yayin bukin sabuwar shekara ta 2025.

Wata sanarwa da sakataren yaɗa labarai na mataimakin gwamnan Ibrahim Garba Shu’aibu ya fitar a yau Laraba, ta ce jihar Kano ba ta goyon bayan dokar saboda za ta shafi walwalar al’ummar ta

Tuni dai majalisar dokoki tayi wa dokar harajin karatu na biyu, sai dai an sake maida dokar ga ofishin antoni Janar na kasa domin sake yi mata garambawul biyo bayan yadda manyan Arewa da sauran al’umma suka nuna damuwa da tanade tanaden dokar

Gwamnan Kano, Abba ya yi kakkausar suka kan ƙudirin haraji